PROXIMUS

I.

PROXIMUS

idem qui Secundus, nam qui primo proximus, is secundus est, Salmas. ad Solin. p. 1074. Hinc in Scriniis olim Epistolarum, Libellorum et Memoriae, Proximi dicti sunt, qui in scrinio quique suo primum et principem locum tenebant: quod Magistro Scriniorum proximi essent, seu primi ab illo, Priores Scrinii eos vocat Cod. Theod. de Prox. Can. disp. In capite Scrinii constituti esse dicuntur. l. 11. eod. tit. Principes scriniorum appellantur Lampridio in Alexandro, c. 15. Adeoque Proximi in tribus his scriniis iidem erant, qui in aliis officiis Primicerii. In scrinio vero Dispositionum, primus non Proximus dicebatur, sed Comes tantum seu Magister Dispositionum, sicque cum reliquorum Scriniorum primi et Proximi dicerentur et Comitum titulo ac dignitate ornarentur, hic Comes solum audiebat. Omnes tamen Α᾿ντιγραφεῖς, item Obsecundatores scriniorum vocabantur et suberant Magistro scriniorum, qui omnia scrinia curabat, qualem fuisse legimus Ulpianum sub Alexandro Severo et Papinianum sub Bassiano; cum Proximus ab Epistolis, saltem scrinium epistolarum; Proximus a Libellis, tantum scrinium Libellorum etc. curaret. Vide Salmas. eundem Not. ad Lamprid. in Alexandro Severo, loc. cit. Treb. Pollionem in Gallienis, c. 17. et Flav. Vopiscum in Caro Imper. c. 8. Occurrit etiam Proximus Admissionum, apud Ammianum, l. 12. et exstat Epistola 58. Theophylacti Bulgar. in scripta, τῷ Ηροέδρῳ καὶ Προξίμῳ τῷ Παντέχνῃ. Vide et Meursium in voce Πρόξιμος. Dignitas eorum, Proximatus: quam amplissimam fuisse, ex dictis liquet. Qui vero sequenti annô Proximi futuri erant, Mello proximos vocatos suisse, diximus supra in hac voce.

II.

PROXIMUS

vide Statius.